Маълумотларга кўра, техник носозлик тахминан 5:30 кузатилган. Кейинчалик Мелбурнда жамоат транспорти тўхтатилгани маълум бўлди. Бундан ташқари, бир қатор тиббий хизматларнинг телефон рақамлари, жумладан, тез ёрдам, такси хизматлари ва озиқ-овқат етказиб беришнинг телефон рақамлари билан боғланиб бўлмаяпти. Бир қатор банклар ва тўлов тизимлари ҳам ишламай қолган.
Техник носозлик сабаби ҳозирча номаълум. Провайдер компаниясининг вакиллари алоқани тиклаш учун барча имкониятларни қўлламоқда. Носозликни тўлиқ бартараф этиш учун аниқ муддат айтилмаган. Мамлакат ҳукумати бу киберҳужум натижаси эмаслигини таъкидлади. Мутахассислар муаммо тизимни янгилашга нотўғри уриниш туфайли юзага келган деб тахмин қилинмоқда.
