Жорий йилнинг 23 август куни Андижон вилояти ҳокими Шуҳратбек Абдураҳмонов Балиқчи туманида жойлашган, ип-калава ишлаб чиқаришга ихтисослашган "Scorton textile" корхонасида бўлди.
Вилоят раҳбари корхонага чет элдан келтирилган замонавий дастгоҳлар ва уларнинг монтаж ишлари билан танишди.
Мазкур корхона Ўзбекистон Республикаси Мустақиллигининг 29 йиллиги арафасида ишга туширилиши режалаштирилган.
Маълумот ўрнида: Ушбу корхона 20 млн. АҚШ доллари эвазига, тўғридан-тўғри хорижий инвестиция ҳисобига барпо этилган.
Ушбу корхонада 400 та янги ишчи ўринлари яратилиши кўзда тутилган.