Унда лойиҳанинг техник маълумотлари, хавфсизлик масалалари, иқтисодий самарадорлиги ва аҳоли таклифлари муҳокама қилинади, дея хабар беради Ўзатом агентлиги.

Қайд этилишича, АЭСнинг умумий қуввати 2110 МВтни ташкил қилади. Йиллик электр энергияси ишлаб чиқариш ҳажми 16–17 миллиард кВт·соатга тенг бўлиб, мамлакат энергия балансидаги улуши 12–15 фоизни ташкил этиши кутилмоқда.

Станциянинг эксплуатация қилиш муддати 60 йил қилиб белгиланган. Қурилиш даврида 13 минг нафаргача, эксплуатация бошлангандан сўнг эса 2 минг нафаргача янги иш ўрни яратилиши режалаштирилган.

Лойиҳанинг бош пудратчиси «Atomstroyeksport» акциядорлик жамияти ҳисобланади. У «Росатом» Давлат корпорацияси таркибига кириб, атом электр станциялари қурилиши бўйича жаҳонда энг йирик экспорт шартномалари портфелига эга компания сифатида маълум.

Лойиҳа доирасида хавфсизлик талабларига жавоб берадиган VVER-1000 ва RITM-200N реакторларидан фойдаланиш кўзда тутилган.

Лойиҳа юзасидан фикр ва таклифлар info@uzatom.uz ҳамда direksiyaaes@uzatom.uz электрон манзиллари орқали қабул қилинади. Тадбирга жамоатчилик ва барча манфаатдор томонлар фаол иштирок этишга таклиф этилади.