Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.
Қайд этилишича, Экология, атроф-муҳитни муҳофаза қилиш ва иқлим ўзгариши вазирлиги тасарруфидаги Чотқол давлат биосфера қўриқхонасига ўрнатилган фотоқопқонга бўри, тоғ сувсари, ёввойи чўчқа ҳамда жайра муҳрланди.
Маълумот учун, қўриқхонада 1300 га яқин умуртқали ҳамда умуртқасиз ҳайвон турлари мавжуд. Шундан умуртқалилар 165 турга, умуртқасизлар эса 1000 дан ортиқ турга бўлинади. Умуртқалилар гуруҳини, асосан, 28 тур сут эмизувчилар, 7 тур судралиб юрувчилар, 6 тур балиқлар ва 124 тур қушлар ташкил этади.