Бу ҳақда 1982-1987 йилларда Гренландия бўйича Дания вазири бўлган Том Хёйм айтиб ўтди.

Унинг сўзларига кўра, бир асрдан кўпроқ вақт олдин тузилган келишув шартларига кўра, агар Дания Гренландияни сотадиган бўлса, Буюк Британияга сотиб олиш бўйича устувор ҳуқуқ бериши керак бўларди.

“Агар Трамп Гренландияни сотиб олишга уринган тақдирда, у аввало Лондондан сўраши керак бўларди. 1917 йилда Гренландия сотилса, Қўшма Қироллик Британия устувор сотиб олиш ҳуқуқига эга бўлишини талаб қилганди”, дея қайд этади Хёйм.

Нашрнинг аниқлик киритишича, муҳокама қилинаётган 1917 йилги келишув АҚШ Президенти Вудро Уильсоннинг ҳозирда АҚШ Виргиния ороллари деб аталадиган Дания Вест-Индиясини сотиб олиши ҳақидаги келишувларнинг бир қисми бўлган. АҚШ уларни Даниядан 25 миллион долларга сотиб олди.

Бир тадбиркор Вильсонга Гренландияни ҳам сотиб олишни тавсия қилди, лекин у дастлаб бу ер билан боғлиқ муҳим жиҳатни кўрмади ва буни истамади. Ниҳоят, сотиб олишнинг муҳимлигига ишонтиришганда, Копенгаген Дания Вест-Индияси учун битимга ушбу ҳудудни қўшишни истамади. Дания ҳукумати, шунингдек, АҚШдан Гренландия абадий Данияники бўлиб қолиши ҳақида ёзма кафолат талаб қилди ва Вильсон уларни тақдим этди.

“Бу Қўшма Штатлар Гренландия ҳар доим Данияники эканлигини ва уники бўлишини расман тан олганини англатади. Лекин Трамп бу ҳақда ҳеч қачон эшитмаган кўринади”, деди Даниянинг Гренландия бўйича собиқ вазири.

Эслатиб ўтамиз, 2024 йил охирида АҚШ Президенти Дональд Трамп АҚШнинг Гренландияга эгалик қилишини “мутлақ зарурат” деб атаган эди, у АҚШнинг Швециядаги собиқ элчиси ва тадбиркор Кен Хауэрини АҚШнинг Даниядаги янги элчиси этиб тайинлаш қарорини шундай изоҳлаган эди.

Гренландия 1953 йилгача Дания мустамлакаси эди. У қиролликнинг бир қисми бўлиб қолмоқда, бироқ 2009 йилда ўзини ўзи бошқариш ва ички сиёсатда мустақил танлов қилиш имкониятига эга автономияга эга бўлди. 2019 йилда ОАВда Трамп Гренландияни сотиб олишни режалаштираётгани ҳақида бир қатор хабарлар пайдо бўлганди, деб хабар беради report.az.