Республикачи Дональд Трампнинг АҚШдаги сайловлардаги ғалабасидан сўнг қимматли қоғозлар нархи 15 фоизга ошиб, ҳар бир акция учун 289 долларни ташкил қилди.
Илон Маскнинг умумий бойлиги 290 миллиард долларга етди, у Bloomberg миллиардерлар индексида биринчи ўринни эгаллади. Рейтингда иккинчи ўринда Amazon асосчиси Жефф Безос жойлашди, унинг бойлиги АҚШдаги президентлик сайловлари фонида 3 фоизга ошиб, 228 миллиард долларга етди. Oracle бош директори Ларри Эллисон (+5,4 фоиз) ва инвестор Уоррен Баффет (+5,4 фоиз) ҳам бойлиги ошган етакчилар қаторидан жой олди.
Дональд Трамп АҚШдаги президентлик сайловларида ғалаба қозонди ва январь ойида президентликка киришади. Илон Маск уни сайлов кампанияси давомида фаол қўллаб-қувватлади ва уни молиялаштириш учун 119 миллион доллар ажратганди, деб хабар беради kommersant.ru.
