Жаҳон қурол савдоси таҳлили маркази барча ҳисоб-китобларни “жорий” АҚШ долларида, яъни тегишли йил нархларида маълум бир шартномани тузиш вақтидаги доллар курси бўйича амалга оширади.
“2024 йилда оддий қуролларнинг жаҳон экспорти/импорти ҳажми (БМТ реестри таснифи бўйича) Жаҳон қурол савдоси таҳлили маркази маълумотларига кўра, 111,615 миллиард долларни ташкил этди, бу совуқ уруш тугаганидан бери энг юқори натижадир”, дейилади ҳисоботда.
Таққослаш учун: 2021 йилда жаҳон миқёсида қурол ва ҳарбий техника экспорти ҳажми 82,942 миллиард долларни, 2022 йилда 106,185 миллиард долларни, 2023 йилда 96,889 миллиард долларни ташкил қилган.
Жаҳон қурол савдоси таҳлили маркази экспертларининг фикрича, глобал қурол экспорти/импортининг кескин ўсиши бир неча омиллар, жумладан, Украина атрофидаги вазият билан боғлиқ, деб хабар беради ria.ru.
