БМТнинг Болалар жамғармаси (UNICEF) Судандаги можаро томонларини февраль ойи бошидан бери камида 40 нафар боланинг ўлимига сабаб бўлган қуролли қарама-қаршиликни тўхтатишга чақирди. Унинг сайтида эълон қилинган баёнотда қайд этилганидек, томонлар халқаро гуманитар меъёрларга риоя қилишлари, ёш суданликларнинг ҳуқуқларини ҳурмат қилиш ва ҳимоя қилишни таъминлашлари керак.
UNICEF 3 февраль куни Жанубий Кордофан штатининг Кадугли шаҳрининг ўққа тутилиши оқибатида “21 нафар бола ҳалок бўлгани, 29 нафар бола майиб бўлган”ини эслатди. Бундан ташқари, февраль ойида “Дарфур штатидаги Эл-Фашир бозорининг ўққа тутилиши оқибатида камида 11 бола ҳалок бўлган, Хартум штатидаги Сабрин бозорининг ўққа тутилиши оқибатида яна 8 бола ҳалок бўлган ва 6 нафари яраланган”, деб хабар беради tass.ru.
2024 йилнинг июнидан декабригача можаро янги ҳудудларга тарқалиб борар экан, Суданда болаларнинг ҳуқлари бузилиши билан боғлиқ 900 дан ортиқ оғир қоидабузарликлар қайд этилди – бу кунига ўртача 4 тадан кўпроқ – уларнинг 80 фоизи Дарфур, Хартум ва Эл-Гезирада уларнинг ўлдирилгани ва майиб бўлгани ҳақида хабарлардан иборат. “Зўравонлик зудлик билан тўхтатилиши керак”, деб таъкидлади UNICEF.
