Кеча Европа Чемпионлар Лигаси ўйинларининг гуруҳ босқичи якунига етди ва 1/8 финалга йўл олган барча клублар номи маълум бўлди. Плей-оффга саккизта мамлакат жамоалари йўл олди.

Уларнинг тўрттаси Испания (“Реал”, “Реал Сосиедад”, “Атлетико” ва “Барселона”), учтаси Германия (“Бавария”, “Боруссия” Дортмунд ва “Лейпциг”), учтаси Италия (“Наполи”, “Интер” ва “Лацио”), иккитаси Англия (“Арсенал” ва “Манчестер Сити”), шунингдек, биттадан Дания (“Копенҳаген”), Нидерландия (ПСВ), Франция (ПСЖ) ва Португалия (“Порту”) клубларидир.

18 декабр куни плей-оффга қуръа ташланади. Унда 2-ўрин эгалари 1-ўрин соҳибларига дуч келади. Бир гуруҳдан чиққан ёки бир мамлакатдан бўлган жамоалар ўзаро тўқнаш келмайди.