Текшириш жараёнида оҳак пишириш печида табиий газ ёнишидан ҳосил бўладиган моддаларни ушлаб қолувчи чанг-газ тозалаш ускунаси (фильтр) яхши ишламаслиги, бунинг натижасида атмосферага ташланаётган ташланмалар миқдори меъёридан ортиқча эканлиги аниқланди ва корхона раҳбарига нисбатан Ўзбекистон Республикаси МЖтКнинг 86-моддаси 1-қисми билан базавий ҳисоблаш миқдорининг 3 (уч) баробари миқдорида маъмурий жарима қўлланилди.
Бироқ корхона раҳбари ушбу чорадан кейин ҳам тегишли хулоса чиқармади, яъни чанг-газ тозалаш ускуналарини янгиси билан алмаштирмади ва аҳолининг норозилигига сабаб бўлди. «ШАНС» маъсулияти чекланган жамияти юборилган талабномани ҳам эътибордан четда қолдирди.
Ўзбекистон Республикаси «Табиатни муҳофаза қилиш тўғрисида»ги Қонунининг 25-моддасига мувофиқ, давлат экологик экспертизасининг ижобий хулосасини олмаган корхона ва ташкилотларнинг фаолият юритишлари мумкин эмас.
Қонун талабларига бўйсунмаганлиги, давлат экологик экспертизаси ижобий хулосасини олмасдан фаолият юритиб келаётганлиги учун Хўжаобод туманида жойлашган «Шанс» МЧЖ фаолияти Хўжаобод туманлараро иқтисодий суди қарорига асосан экспертизанинг ижобий хулосасини олгунга қадар вақтинчалик тўхтатилди.
