Бу ҳақда Париждаги Халқаро савдо палатаси сайтида чоп этилган ҳисоботда айтилади.
Ҳисоботда 2014 йилдан 2023 йилгача бўлган ва жами 1,6 миллиард одамга таъсир қилган 4000 га яқин об-ҳаво ҳодисалари кўриб чиқилди. Тадқиқотчилар турар-жой бинолари, корхоналар ва инфратузилма объектларининг вайрон бўлишидан келиб чиқадиган бевосита зарарни ҳам, об-ҳаво шароитларининг меҳнат унумдорлигига таъсирини ҳам ҳисобга олди.
Ҳужжатда таъкидланганидек, “биргина сўнгги 2 йилда глобал иқтисодий зарар 451 миллиард долларга етди, бу аввалги 8 йилга нисбатан 19 фоизга кўпдир”.
“Сўнгги ўн йилликдаги далиллар иқлим ўзгариши келажак муаммоси эмаслигини кўрсатади: экстремал об-ҳаво ҳодисалари оқибатида ҳосилдорликнинг йўқолиши ҳозирдан иқтисодиётга таъсир қилмоқда”, деди палата бош котиби Жон Дентон.
Тадқиқотни Oxera консалтинг компанияси олиб борди, деб хабар беради report.az.
