Орадан ярим аср ўтиб, 2022 йил айнан декабрда Deep Space иқлим обсерваторияси ўтмиш Аполлон-17 позициясига яқин нуқтадан сайёрани тасвирга туширди.

Ерда 50 йил ичида сезиларли ўзгаришларга кўзимиз тушиши мумкин. Масалан, Антарктида музлик майдонининг бироз кичрайгани, яшил Мадагаскар оролининг сарғиш-жигарранг тусга айлангани, Саҳройи-Кабир чўли жанубида яшил майдоннинг экватор томон чекингани ҳамда Эрон тоғликларида қор ёки музликларнинг камайганини икки тасвирдан фарқлай олиш мумкин.