“Ўзбекконцерт” давлат муассасаси ҳамда “Маданият ва маърифат” телеканали ҳамкорлигида ташкил этилаётган “Эстрададан мақомгача” телелойиҳасининг 2-мавсуми ўз ниҳоясига етди.
Лойиҳа иштирокчилари якунда 2 шарт бўйича беллашишди. Унда бастакорлик асарлари ҳамда мақом йўналишдаги қўшиқлари ижроси бўйича ижодий баҳс олиб боришди.
Ушбу мавсумда хонандаларга Ўзбекистон халқ ҳофизи Эркин Рўзиматов ва Ўзбекистонда хизмат кўрсатган артист Нодира Пирматовалар хонандаларнинг нафақат танланган қўшиқларни ўрганишларига балки, уларнинг тарихи, ижро усуллари ва асл ижрочилари ҳақида ҳам маълумот бериб боришди.
Барча замонларда санъат, маданият, театр ва кино, матбуот, борингки, барча жабҳаларда ҳалқимизнинг, айниқса, ёш авлоднинг маънавий камолоти, диди ва савияси долзарб масала сифатида муҳокама қилиб келинган. Ўзбекистон Республикасида хизмат кўрсатган маданият ходими Гулчеҳра Умарованинг бу борадаги куюнчак фикр-мулоҳазалари, таҳлил ва кузатишлари ҳамда санъат дарғаларининг ибрат мактаблари ҳақидаги мақолалари ҳамиша ўқувчининг эътирофида ва эътиборида бўлиб келган.
