Учрашувда одам савдоси ва мажбурий меҳнатга қарши курашиш, хотин-қизларнинг барча йўналишларда ҳуқуқ ва имкониятларини кенгайтириш, гендер тенглик масалаларида ҳамкорликдаги ишлар ва келгусидаги режалар муҳокама этилди.
«Янги Ўзбекистон – халқчил ва инсонпарвар давлат» ғояси асосида давлат ва жамиятнинг сиёсий-ҳуқуқий пойдеворини мустаҳкамлашга, бу жараёнларда инсон ҳуқуқлари тизимини янада ривожлантиришга қаратилган кенг кўламли ислоҳотлар амалга оширилаётганлиги таъкидланди.
ЕХҲТ Ўзбекистондаги лойиҳалари координатори мамлакатда амалга оширилаётган демократик ислоҳотларни қўллаб-қувватлашини, жамиятни ислоҳ қилишда мамлакат парламентининг роли ортиб бораётганини қайд этди.
Учрашув якунлари бўйича томонлар яқин мулоқотни ва ҳамкорликни мустаҳкамлашга келишиб олдилар, деб хабар беради Олий Мажлис Сенати матбуот хизмати.
