Суҳбат чоғида савдо-иқтисодий, инвестициявий ва гуманитар соҳаларда Ўзбекистон–Саудия Арабистони муносабатларини кенгайтириш ҳолати ва истиқболлари, халқаро ташкилотлар доирасидаги ҳамкорлик масалалари муҳокама этилди.
Томонлар Саудия Арабистонининг Ҳаж ва Умра ишлари бўйича вазири Тавфиқ бин Фавзон ар-Рабиа Ўзбекистонга ташрифи чоғида эришилган келишувларни амалга ошириш масалаларини кўриб чиқдилар.
Учрашувда, шунингдек, айрим минтақавий ва халқаро масалалар юзасидан ҳам фикр алмашилди, деб хабар беради Ташқи ишлар вазирлиги матбуот хизмати.