“Роатан оролидаги авиаҳалокатда 12 киши ҳаётдан кўз юмди ва беш киши тирик қолди”, дея хабар берди Гондурас миллий полицияси Х ижтимоий тармоғида. Қайд этилишича, қутқарувчилар бортда бўлган яна бир кишини қидирмоқда.
Lanhsa авиакомпаниясига тегишли самолёт душанба куни кечқурун Роатан оролидаги Хуан Мануэл Гальвес аэропортидан ҳавога кўтарилганидан сўнг денгизга қулаб тушган. Республика полицияси маълумотларига кўра, ҳалокатга 33 йўловчига мўлжалланган Jetstream 41 самолётида парвоз пайтида механик носозлик юз бергани сабаб бўлган. Самолёт учиш-қўниш йўлагидан тахминан 1 километр узоқликда денгизга қулаб тушган, деб хабар беради tass.ru.
