Шаҳрисабз давлат педагогика институтида эрта тонгдан "Маҳалла обод — юрт обод" шиори остида умумхалқ хайрия ҳашари кўтаринки кайфиятда бошланди.
Бугун юртимиз бўйлаб Мустақиллик байрами арафасида анъанавий умумхалқ хайрия ҳашари "Маҳалла обод — юрт обод" шиори остида ўтказилмоқда.
Умумхалқ хайрия ҳашар доирасида институт ҳудудида режа асосида ободонлаштириш ва кўкаламзорлаштириш ишлари олиб борилмоқда.
Ушбу умумхалқ хайрия ҳашарда институт жамоаси, профессор-ўқитувчилари фаол иштирок этмоқда. Ҳудуддаги барча мевали дарахтлар оқланмоқда, дарахтларга шакл берилиб, ҳудуд атрофи бегона ўтлардан тозаланмоқда.
Бугун бутун мамлакатимиз бўйлаб энг чекка ва олис ҳудудларда “Обод хонадон – обод кўча – обод маҳалла” дастурларини жорий этиш мақсадида кенг кўламли бунёдкорлик ва ободонлаштириш ишлари олиб бориляпти.
Мамлакатимизда “Обод қишлоқ”, “Обод маҳалла” дастурлари доирасида бошланган юрт ободлиги, халқ фарофонлиги йўлидаги ҳаракатлар, хусусан, жойларда ички йўллар, ичимлик сув, электр энергияси ва газ таъминотини, таълим, соғлиқни сақлаш, маданият, спорт ва бошқа инфратузилма объектларини яхшилаш, шу асосда аҳоли учун муносиб турмуш шароити яратиш борасидаги ишлар янги босқичга чиқди.
Президент Шавкат Мирзиёев раислигида 11 октябрь куни маҳаллаларни обод қилиш ва аҳолини ўйлантираётган масалаларни ҳал этиш бўйича устувор вазифалар юзасидан видеоселектор йиғилиши ўтказилди.
