Аниқланишича, жорий йилнинг 7 декабрь куни соат 13:00ларда Пахтаобод тумани, “Муаззимбой” МФЙ ҳудудида жойлашган “Гумбаз” ошхонаси олдида шу туманинг “Қашқар” МФЙда яшовчи 3 опа-сингил М.Н, М.И ва М.А.лар ҳамда уларга олдиндан таниш бўлган “Наврўз” МФЙда яшовчи фуқаролар С.С ва С.Ю.лар ўртасида жанжал юзага келган. Жанжалнинг келиб чиқишига М.Н томонидан С.Ю.га ҳақоратли сўзларнинг айтилганлиги сабаб бўлган.
Мазкур ҳолат Андижон вилояти ИИБ томонидан назоратга олиниб, ўрганиш ишлари олиб борилди.
Мазкур ҳолат юзасидан Пахтаобод тумани ИИБ ходимлари томонидан ушбу фуқароларга нисбатан МЖтКнинг 183-моддаси (Майда безорилик) тартибида ҳужжатлар расмийлаштириб, чора кўришлик учун ЖИБ Пахтаобод тумани судига юборилган, — дейилади Андижон вилояти ИИБ Ахборот хизмати хабарида.
