Президентнинг бюджет ташкилотлари ходимларининг иш ҳақи, пенсия, нафақа ва стипендияларни 10 фоизга, яъни инфляциядан паст бўлмаган даражага оширишга доир фармони имзоланди.
Бош вазир ўринбосари, Иқтисодиёт ва молия вазири Жамшид Қўчқоров парламент Қуйи палатасидаги чиқишида мазкур ҳужжат яқин соатларда эълон қилинишини маълум қилди.
Маълумот учун, 2024 йил сентябрда пенсия ва нафақалар 15 фоизга, октябрда маошлар 10–15 фоизга оширилган эди.
Ўзбекистоннинг 2026-2028 йилларга мўлжалланган янги фискал стратегиясига кўра, бюджет соҳаси ходимларининг иш ҳақи, пенсия ва ижтимоий нафақаларнинг йиллик индексацияси инфляция даражасидан юқори бўлади.
