Ҳужжат иқтисодиёт ва молия вазирлиги томонидан эълон қилинган бўлиб, аҳоли турмуш даражасини, реал даромадларини ошириш ва ижтимоий қўллаб-қувватлашни кучайтиришга қаратилган.
Инфляциядан паст бўлмаган индексацияни назарда тутган олдинги стратегиядан (2025-2027) фарқли ўлароқ, янги дастур тўловларнинг реал ўсишини назарда тутади.
Шунингдек, ижтимоий солиқ имтиёзларини бериш шартларини қатъийлаштириш кўзда тутилган. Хусусан, 2028 йилгача хизмат кўрсатиш ва сервис соҳасида – фақат 30 ёшгача бўлган ходимлар учун, уларнинг иш ҳақи 3 миллион сўмдан ортиқ бўлган тақдирда, 2028 йилгача 1 фоиз миқдорида ижтимоий солиқнинг пасайтирилган ставкасини сақлаб қолиш.
Молия вазирлиги маълумотларига кўра, 2025 йилда Пенсия жамғармасига давлат бюджетидан трансфертлар ҳажми 20 триллион сўмдан ортиқни ташкил қилса, 2028 йилга бориб 26 триллион сўмгача ошади, бу 2023 йилга нисбатан қарийб икки баробар кўпдир.
Стратегияда ҳисоб-китоблар ҳам кўрсатилган: давлат секторида иш ҳақини 1 фоизга ошириш учун бюджетдан 1,67 триллион сўм маблағ талаб этилади; пенсияларнинг худди шундай ўсиши – 861 млрд. Нафақа олувчи оилалар сонининг 10 фоизга ошиши қарийб 1,6 триллион сўмга яқин қўшимча харажатларга олиб келади.
