Камбоджа ҳукумати АҚШ Президенти Дональд Трамп номзодини тинчлик бўйича Нобель мукофотига кўрсатишни режалаштирмоқда. Бу ҳақда қироллик Бош вазири ўринбосари Сун Чантол маълум қилди, деб хабар беради tass.ru.
“У нафақат Камбоджа масаласидаги, балки бошқа хизматлари учун ҳам Нобель [тинчлик] мукофотини олиши керак”, деди у The Wall Street Journal нашрига берган интервьюсида. Бош вазир ўринбосарининг таъкидлашича, Америка Президентининг аралашувисиз Камбоджа ва Таиланд, эҳтимол, чегара ҳудудида ҳарбий ҳаракатларни тугатиш бўйича келишувга эриша олмаган бўлар эди. Унинг қўшимча қилишича, Пномпень Оқ уй раҳбари номзодини мукофотни топширувчи Нобель қўмитасига тақдим этиш таклифини юбориш ниятида.
