Бу ҳақда The Times газетаси Букингем саройи матбуот хизматидаги манбага таяниб хабар бермоқда.
“Қирол ҳурматли сэр Кир Стармерни бугун тингловчилар олдида қабул қилди ва ундан янги администрацияни шакллантиришни сўради”, дейилади нашрда.
Учрашувдан сўнг Бош вазир рафиқаси билан янги уйига йўл олади.
Буюк Британия парламентига сайловлар 4 июль куни бўлиб ўтди. Лейбористлар партияси катта ғалабага эришди. Партия етакчиси Стармер тез орада Буюк Британияда ўзгартиришлар қилишни бошлашга ваъда берди.
Аввалроқ Карл III парламент сайловидан сўнг Буюк Британия Бош вазири Риши Сунакнинг истеъфосини қабул қилган эди, деб хабар беради gazeta.ru.
