Ўзбекистонда ноқонуний тамаки маҳсулотини сотганлик учун жавобгарлик кўзда тутилган – амалдаги қонунчилик бизга шуни маълум қилади.

Ўзбекистон Республикаси Солиқ кодексининг 227¹- моддаси доирасида контрабанда сигарет сотганлик учун тадбиркорларни биринчи гал охирги ҳисобот чорагидаги соф тушум суммасининг 2 фоизи миқдорида, такрорий қонунбузарлик учун – 20 фоиз миқдорида жарима кутади.

Бунда, агар Солиқ қўмитасига савдо нуқтасида контрабанда тамаки маҳсулоти сотилаётгани ҳақида мурожаат келиб тушса, ваколатли ходимлар текширув ўтказишлари керак бўлади. Бу ҳақда истеъмолчиларнинг ўзлари Soliq.uz иловаси орқали хабар беришлари мумкин. Текширувдан кейин айбдорлар жавобгарликка тортилади, аризачи эса, жарима суммасининг 20 фоизи миқдорида мукофот олади.

Алоҳида қайд этиш керакки, контрабанда тамаки маҳсулоти савдоси Ўзбекистон давлат бюджетига қаттиқ зарба бермоқда. Масалан, ушбу вазият туфайли давлат бюджети аллақачон 390,6 млрд сўм солиқ тушумларини ололмади.

Бундан ташқари, агар ҳудудлар кечимида таҳлил ўтказилса, тамаки маҳсулоти контрабандаси муаммоси бутун республика бўйлаб ўткир масала бўлиб тургани тушунарли бўлади.

Қуйидаги ҳудудларда энг юқори даража кузатилмоқда:

— Наманган — 41,6%

— Қўқон — 29,5%

— Жиззах — 21,2%

— Қарши — 10,9%

Бу муаммони ҳал қилиш учун назоратни кучайтириш, шунингдек тадбиркорларга бу каби қаллоблик учун уларни қандай жавобгарлик кутаётганлигини содда тилда тушунтириш керак.