Учрашувда Корея омонатларини суғурталаш корпорацияси (KDIC) кўмагида Ўзбекистон Республикаси Фуқароларининг банклардаги омонатларини кафолатлаш фонди фаолиятини трансформациялаш бўйича қўшма лойиҳанинг дастлабки натижалари муҳокама этилди.
Қайд этилганидек, фонд фаолиятининг шаффофлигини таъминлаш, шунингдек, аҳолига тўловларни рақамлаштириш аҳолининг омонатларни суғурталаш тизимига бўлган ишончини оширишда муҳим аҳамиятга эга.
Ўз навбатида, қўшма лойиҳа натижаларига кўра, Корея Республикасининг тегишли идоралари билан биргаликда амалга ошириладиган фонд фаолиятини янада такомиллаштириш бўйича тавсиялар олиниши режалаштирилган, деб хабар беради Марказий банк матбуот хизмати.
