Учрашувда мамлакатимиз аҳолисининг 60 % ни ташкил этувчи ёшларнинг мамлакатимиз учун юқори потенциали эканлиги эътироф этилиб, ўзбек ёшларини Қирғизистон пойтахти Бишкек шаҳрида жойлашган ЕХҲТ академиясига жалб этиш масаласи муҳокама этилди.

Томонлар университетлараро ҳамкорликлар, талабалар орасида қонун устуворлигини тарғиб қилиш, мамлакатимизда октябрь ойида ўтказиладиган парламент сайловлари, ҳудудий муаммолар масалаларида ҳамкорликдаги ишлар ва келгусидаги режалар муҳокама этилди.

– ЕХҲТ Ўзбекистон ҳукуматини барча ташаббусларида қўллаб-қувватлашга тайёр, – деди Антти Карттунен.

Учрашув якунларига кўра томонлар биргаликдаги амалий ишларни давом эттиришга келишдилар, деб хабар беради Олий таълим, фан ва инновациялар вазирлиги матбуот хизмати.