Ҳодиса маҳаллий вақт билан сешанба куни эрталаб, самолёт Миланнинг Бергамо аэропортидаги турургоҳдан чиқиб, Испания шимоли-ғарбидаги Астурияга йўл олган пайтда юз берди.
Италиянинг Corriere della Sera газетасининг хабар беришича, аэропортнинг номи ошкор этилмаган расмийлари самолёт учишга тайёрланаётган пайтда бир киши учиш-қўниш йўлагига югуриб чиқиб, двигателга кириб кетган.
Испаниянинг Volotea авиакомпаниясининг маълум қилишича, самолёт бортида бўлмаган ва авиакомпанияга алоқаси бўлмаган бир киши жиддий жароҳат олган. 154 нафар йўловчи ва олти нафар экипаж аъзосининг барчаси хавфсиз ва уларга психологик ёрдам кўрсатилмоқда, дейилади Volotea хабарида.
Расмийлар эркак қандай қилиб аэропорт ташқарисидан учиш-қўниш йўлагига етиб келгани юзасидан тергов бошлади.
Аэропорт маълумотларига кўра, ҳодиса туфайли парвозлар вақтинча кечиктирилгандан сўнг расмийлар маҳаллий вақт билан сешанба куни тушдан кейин транзит марказдан парвозларни қайта тиклаган, деб хабар беради tengrinews.kz.
