Муҳаммад ал-Башир Сурия ўтиш даври ҳукумати раҳбари этиб тайинланганини маълум қилди.

“Мажлис ағдарилган режим ҳукуматидан ишларни Сурия муваққат ҳукуматига ўтказишга бағишланди. У 1 мартда якунланиши мумкин бўлган ўтиш давридаги давлат бошқаруви масалаларини назорат қилади. Бизга 2025 йилнинг 1 мартигача Сурия ҳукумати ишларини бошқариш вазифаси топширилган”, деди ал-Башир, илгари Башар Асадга бўйсунган Вазирлар кенгаши ва “Ҳайъат Таҳрир аш-Шом” гуруҳи (Россия Федерациясида тақиқланган) томонидан 2017 йил ноябрида тузилган “Нажот ҳукумати”нинг қўшма йиғилиши якунлари бўйича.

Муҳаммад ал-Башир 2024 йил январидан бери “Сурия Нажот ҳукумати”ни бошқариб келмоқда. Бу мухолифат тузилмаси расмий ҳукуматга муқобил бўлиб ишлаган ва Суриянинг Идлиб вилоятида қуролли мухолифат назорати остида бўлган ҳудудларда маъмурий назоратни амалга оширган, деб хабар беради tass.ru.