Наманганда раҳбарият қиёси йўқ қарор қабул қилган. Шаҳарга туташ 16 гектар майдонни ҳар бири 25-30 сотихдан тақсимланиб, 52 та гулчилар оиласига берилган. Қисқа муддатда бу ер гуллар фабрикасига айланди.
— Юз турдан ортиқ гул етиштириляпти. Улар кўчат, тувак гул, мавсумий гуллар турларидир, — дейди моҳир гулчи Ойбек Тошпўлатов. — Голландиядан келган технология бўйича чатиштирамиз. Гулларимиз ноябрь ойигача очилаверади.
Қайси гулчи иссиқхонасида бўлманг, турнақатор машиналарга гул кўчатлари авайлаб юкланаётганини кўрасиз. Улар Наманган шаҳригагина эмас, республикамизнинг барча вилоятларига, ҳатто Қорақалпоғистонга ҳам жўнатилмоқда. Бундан ташқари, Қирғизистон, Тожикистон, Қозоғистонга олиб кетишяпти, гулларимизни, — дейди Отабек Тошпўлатов. — Ўтган йили 11 миллионта гул сотдик Жалолобод вилоятига.
