62-маротаба ўтказилаётган гуллар фестивали биринчи 10 кунлик давомида 43 давлатдан 42 минга яқин гул ишқибозларини гуллар шаҳри томон чорлади.
Нафосат ва гўзаллик байрамидан баҳра олишга келган меҳмонлар сони 3 миллиондан ортди.
Бутун дунё туристларию гул ихлосмандларининг эътибор марказида бўлиб турган ушбу нуфузли анжуманга Янги Наманган тумани ҳам ўзгача ҳозирлик кўрган.
Гулларга бурканган бетакрор композициялар туманнинг асосий кўчаларига ўзгача зеб бериб турибди, унга ҳамоҳанг тарзда безакланган тунги чироқлар таратаётган мафтункор ёғдулар эса кўзларни қувонтиради.
