Бу ҳақда журналистларга мамлакат меҳнат, бандлик ва ижтимоий таъминот вазири Дол Прасад Арьял маълум қилди.
“Ҳозиргача сув тошқини билан боғлиқ жами 55 та ҳодиса рўй берди”, деди у. Унинг сўзларига кўра, кўчкилар оқибатида 24 киши ҳаётдан кўз юмди, 19 киши чақмоқ уриши оқибатида ҳалок бўлди, 10 га яқин киши чўкиб кетди, ўнлаб маҳаллий аҳоли бедарак йўқолди.
Вазирнинг сўзларига кўра, жабрланган ҳудудлардаги юзлаб уйлар вайрон бўлди, йўллар сув остида қолли, электр узатиш тармоқлари узилиб қолди.
Муссон мавсуми Непалда июнь ўрталарида бошланган ва сентябргача давом этади. Синоптикларнинг маълум қилишича, яқин кунларда ёмғир ёғиши тўхтамайди, деб хабар беради tass.ru.
