Нижегород вилоятида (Россия Федерацияси) кичик самолётнинг қаттиқ қўниши оқибатида икки киши ҳалок бўлди, деб хабар бермоқда Фавқулодда вазиятлар вазирлиги вилоят бошқармаси.
Олдинроқ фавқулодда вазиятлар хизматлари РИА Новостига Нижегород вилоятининг Кстовский туманида кичик самолётнинг ҳалокатга учраши оқибатида ёнғин келиб чиққани, у ўчирилгани ҳақида хабар берганди.
“Кстовский туманида, Новоликеево аҳоли пункти яқинида енгил моторли самолёт қаттиқ қўнди ва ёниб кетди. Афсуски, икки киши ҳалок бўлди”, дейилади хабарда.
Ёнғинни ўчиришга олти нафар мутахассис ва иккита техника жалб қилинди.
Воқеа сабабларини тергов органлари аниқлайди, деб хабар беради ria.ru.
Подмосковьеда Балашихадаги портлашда Бош штаб Бош оператив бошқармаси бошлиғи ўринбосари, генерал-лейтенант Ярослав Москалик ҳалок бўлди, дея хабар берди Тергов қўмитаси расмий вакили Светлана Петренко.
Владимир Зеленскийнинг Қримни Россиянинг бир қисми сифатида тан олишдан бош тортиши ҳақидаги баёноти тинчлик музокараларига зарар келтиради, деб ҳисобламоқда АҚШ Президенти Дональд Трамп.
Тинчлик режаси доирасида АҚШ Украинага Қримни Россияники деб тан олишни ва НАТОга аъзо бўлиш ниятидан воз кечишни таклиф қилди. Бу ҳақда The Wall Street Journal (WSJ) Ғарб расмийлари манбаларига таяниб ёзмоқда.
