Нашрнинг вазиятдан хабардор манбаларига кўра, Россия Президенти АҚШ етакчиси Дональд Трамп билан тинчлик келишувига эришиш ҳаракатлари доирасида ҳозирги фронт чизиғида ҳарбий ҳаракатларни тўхтатишни таклиф қилган.

Мақолада, шунингдек, апрель ойи бошида Дональд Трампнинг махсус вакили Стивен Уиткофф билан Санкт-Петербургда бўлиб ўтган учрашувда Владимир Путин Москва қисман Киев назорати остида қолган тўртта ҳудудга даъвосидан воз кечиши ва фақат Россия Федерацияси аллақачон назорат қилаётган ҳудудларни сақлаб қолиши мумкинлигини айтган.

Бироқ, FT манбаларининг таъкидлашича, агар Қўшма Штатлар Москвага Қрим устидан назоратини тан олиш ва Украинани НАТОга қўшилишига йўл қўймаслик каби кенгроқ геосиёсий ён беришларга йўл қўйса, Россия Президенти фронтнинг тўртта ҳудуди – Донецк, Луганск, Херсон ва Запорожье устидан тўлиқ назорат қилиш талабидан воз кечишга тайёр.

“Кучли тарзда иш олиб борилмоқда. Биз америкаликлар билан музокаралар олиб бормоқдамиз. Иш мураккаб ва кўп вақт талаб этади, шунинг учун дарҳол натижа кутиш қийин. Ва бу ишни омма олдида олиб бориб бўлмайди”, дея Кремль расмий вакили Дмитрий Песковнинг сўзларидан иқтибос келтиради нашр.

Financial Times газетасининг ёзишича, Дональд Трамп президентлигининг дастлабки 100 кунида тинчликпарварлик миссиясини бажарганини эълон қилиш учун 30 апрелгача Россия ва Украина ўртасида келишувга эришмоқчи, деб хабар беради 24.kg.

Дмитрий Песков биринчи манбаларга эътибор қаратишни маслаҳат берди: “Ҳозир жуда кўп сохта нарсалар, шу жумладан нуфузли нашрлар томонидан ҳам эълон қилинмоқда”.