Мазкур автобуслар Нукус шаҳар ичи йўналишларига брутто-шартнома асосида жойлаштирилади.
Транспорт вазирлигининг хабар беришича, Нукус шаҳрида аҳолига сифатли жамоат транспорти хизмати кўрсатишни йўлга қўйиш, ҳаракат таркибини янгилаш, йўловчиларга қўшимча қулайликлар яратиш мақсадида “Sapsan avtotrans” МЧЖ томонидан 12 дона “YUTONG” русумли автобуслар олиб келинди.
Шунингдек, “Baz Nukus Kompleks” МЧЖ томонидан Нукус шаҳри учун Хитой Халқ Республикасида ишлаб чиқарилган 100 дона замонавий автобусларни харид қилиш бўйича тегишли шартнома имзоланган.
Олий Мажлиси Қонунчилик палатасининг навбатдаги мажлисида “Ўзбекистон Республикасининг Маъмурий жавобгарлик тўғрисидаги кодексига жамоат транспортидан фойдаланиш самарадорлигини оширишга қаратилган қўшимча ва ўзгартиришлар киритиш ҳақида“ги қонун лойиҳаси иккинчи ўқишда кўриб чиқилмоқда.
Тошкент шаҳрида шу йилнинг 1 январидан бошлаб барча автобусларда йўлкира тўловларини нақд шаклда тўлаш тўхтатилди. Эндиликда Йўл ҳақини нақд пул кўринишида берган йўловчи жаримага тортилиши мумкин.
2025 йил 1 январдан бошлаб автобусларда нақд пул қабул қилиш чекланганлиги ва бу жараён қандай тартибда амалга оширилишини йўловчиларга яқиндан тушунтириш мақсадида, назоратчилардан иборат махсус ишчи гуруҳ ўз фаолиятини бошлади.
