Транспорт вазирлигининг маълум қилишича, ижтимоий тармоқлар орқали Тошкент шаҳар автобус йўналишларида нақд пулда тўлов қилган йўловчилар жаримага тортилиши тўғрисида асоссиз маълумотлар жойланмоқда.

Ўзбекистон Республикасининг Маъмурий жавобгарлик тўғрисидаги кодекси 144-моддасида йўловчининг троллейбусда, трамвайда, шаҳар ичида ва шаҳар атрофига қатнайдиган автобусда чиптасиз юриши — БҲМнингўндан бир қисми миқдорида жарима солишга сабаб бўлиши белгиланган, — дейилади хабарда.

Йўловчилар вақтни ва маблағини тежаш учун автобусларда йўл ҳақини 1700 сўм эвазига электрон тўлов турлари, яъни:

— Банк карталари,

— Мобил иловалар ҳамда

— АТТО транспорт ва виртуал карталари орқали амалга оширишини тавсия қилинади.