Нуристон дала ўқув ҳарбий полигони 2019 йилда қурилиш ва таъмирлаш ишлари бошланган эди. Айтиб ўтиш керакки, полигонда аввал палаткалардан иборат бўлган ва бу ерда бир ойлик ҳарбий йиғинларни ўташган.
Муҳтарам Юртбошимизнинг тегишли қарори билан ушбу полигонда ҳарбийлар учун жуда катта шарт-шароитлар яратилди.
480 ўринли ва яна 48 ўринли ётоқхоналар, ошхона биноси, барча қулайликларга эга ўқув бинолари, ўқув тактик машғулотларини кузатиш учун кузатув миноралари барпо қилинди. Полигонда барча замонавий асбоб-ускуналар ва жиҳозлар ўрнатилди.
Ушбу қурилиш ва таъмирлаш ишлари 25 мрлд сўм маҳаллий бюджет маблағлари ҳисобидан шакллантирилди.