Бу ҳақда NDTV 10 ноябрь куни полицияга таяниб хабар берди.
Портлаш кечқурун тарихий Қизил қалъа яқинида содир бўлган. Портлаш пайтида воқеа жойида кўп сонли одамлар бўлган, бу эса эвакуация ишларига халақит берган. Ҳудудда транспорт ҳаракати вақтинча чекланди.
Терговга ёрдам бериш учун Миллий тергов агентлиги (NIA) ва Миллий хавфсизлик гвардияси чақирилди. Ҳиндистон Бош вазири Нарендра Моди қурбонларнинг оилаларига ҳамдардлик билдирди ва жароҳатланганларга тезроқ соғайиб кетишни тилади.
Телеканал маълумотларига кўра, жароҳатланганларнинг барчаси шифохонага олиб кетилган. Портлашдан кейин Нью-Деҳлида юқори даражадаги огоҳлантириш эълон қилинган эди.
Аввалроқ 24 киши жароҳат олгани ҳақида хабар берилганди.
10 ноябрь куни Эски Деҳли туманида Қизил қалъа метро бекати яқинида тўхтаб турган автомашина портлади. Воқеа жойига 20 га яқин ўт ўчириш машиналари, шунингдек, суд-тиббий экспертиза ва техник мутахассислар юборилди. Полиция бутун ҳудудни ўраб олди, деб хабар берди regnum.ru.
