Қайд этилишича, Ўзбекистон Республикаси Ички ишлар вазирлиги ва Туркия Республикасининг Истанбул шаҳридаги Бош консулхонаси ҳамкорлигида йирик тезкор-қидирув тадбири амалга оширилди. Ушбу ҳамкорлик натижасида Ўзбекистон ҳудудида жиноят содир этган ва қидирувга берилган шахс қўлга олинди.
Жиноятни фош этишда Ўзбекистон Республикаси ИИВ Тезкор-қидирув департаменти ҳамда Истанбул шаҳридаги Бош консулхонанинг биринчи котиби — ички ишлар масалалари бўйича алоқа офицери ўртасидаги самарали ҳамкорлик муҳим аҳамият касб этди.
Маълумотларга кўра, 1981 йилда туғилган И.У. Ўзбекистон Республикаси Жиноят кодексининг 135-моддаси 3-қисми бўйича Наманган вилояти ИИБ томонидан қидирувга берилган. Тезкор маълумотлар асосида у Туркия Республикасининг Истанбул шаҳрида яшириниб юрганлиги аниқланди.
