Бугун Олий таълим, фан ва инновациялар вазирлигида Президент Администрацияси Ижтимоий ривожланиш департаменти раҳбари Одил Абдураҳмонов бошчилигида ташкилий масалага бағишланган йиғилиш ўтказилди.

Унда Президентнинг тегишли қарори билан Далиев Шоҳрух Ҳожиакбарович олий таълим, фан ва инновациялар вазирининг биринчи ўринбосари, Маҳкамов Отабек Мухторович олий таълим, фан ва инновациялар вазирининг ўринбосари этиб тайинлангани эълон қилиниб, жамоага таништирилди.

Одил Абдураҳмонов янги лавозимга тайинланганлар катта тажриба ва малака эга эканлигини қайд этиб, белгиланган вазифаларни аниқ режалар асосида сифатли амалга оширишига ишонч билдирди.