Натижада, ушбу маҳсулотларга нафақат маҳаллий балки, жаҳон бозорида талаб ўсиб бормоқда. Шу боис, корхоналар томонидан янги технологиялар ўрнатилиб, ишлаб чиқариш ҳажми кенгайтириляпти.

“Ўзсаноатқурилишматериаллари” уюшмаси матбуот хизмати хабарига кўра, январь—октябрь ойларида республикада мавжуд саноат корхоналарида жами 24 млн 221 минг метр квадрат керамик плиткалар ишлаб чиқарилган. Эътиборлиси, уюшмага аъзо корхоналар томонидан 14 млн 224 минг метр квадрат маҳсулот тайёрланган. Энг кўп маҳсулот Фарғона вилоятида жойлашган йиллик қуввати 4,3 млн метр квадрат бўлган “Moderna ceramic industries Ferghana” МЧЖ ҲК томонидан тайёрланган. Ўтган давр мобайнида корхонада 5 млн 564 минг метр квадрат маҳсулот ишлаб чиқарилган. Самарқанд вилоятида фаолият олиб бораётган экспортёр корхоналардан бири “Prime ceramics” МЧЖда шу кунгчача 2,9 млн метр квадрат керамик плиткалар мижозларга етказилган. Сирдарё вилоятида жойлашган "Sirdarya Ceramic Production" МЧЖ ҚКда ҳисобот даврида 3,06. млн метр квадрат маҳсулот тайёрланган.

Шунингдек, “National ceramics” МЧЖ ҚК (2,2 млн метр квадрат), “Great wall ceramic industries” МЧЖ (2 млн метр квадрат), “Orient-ceramic” МЧЖ (1,6 млн метр квадрат), “Premium elegant ceramics” МЧЖ (230 минг метр квадрат), “Lyux Granit” МЧЖ (1,8 млн метр квадрат), "Нодир Керамикс" ХК (1,2 млн метр квадрат), "Peng sheng" МЧЖ ҚК (1,7 млн метр квадрат), "Флэт Тайл" МЧЖ (730 минг метр квадрат) каби корхоналар томонидан маҳаллий керамик плиткалар харидорларга етказилган.

Эътиборлиси, январь—сентябрь ойларида корхоналар томонидан 43 млн долларлик керамик плиткалар экспорт қилинган. Бу борада “Prime ceramics” МЧЖ, “Orient-ceramic” МЧЖ ва “Moderna ceramic industries Fergana” МЧЖ ларида кўрсаткичлар юқори ҳисобланади. Миллий маҳсулотларимизни экспорт қилишда Қозоғистон Республикаси пешқадам ҳисобланади.