“Биз келажакдаги келишмовчиликларни куч ёки чўзилган можаролар йўли билан эмас, балки дипломатик алоқалар ва музокаралар йўли билан ҳал қилиш мажбуриятини оламиз”, дейилади тўртта давлат етакчилари имзолаган декларацияда.

Ҳужжатда, шунингдек, фаластинликлар ва исроилликларнинг хавфсизлиги кафолатланган тақдирда мустаҳкам тинчликка эришиш мумкинлиги таъкидланган. Шу билан бирга, имзолаган томонлар Оқ уй томонидан эълон қилинган қўшма декларациясига кўра, Яқин Шарқ можаролар ва “тинчлик шартларини танлаб қўллаш” билан қийналмаслиги кераклигини тан олишади.

АҚШ, Миср, Қатар ва Туркия раҳбарлари душанба куни Шарм аш-Шейхдаги саммитда Ғазо сектори бўйича тинчлик битимини имзолашди. АҚШ Президенти Дональд Трамп буни “ҳаётдаги энг катта ва энг мураккаб келишув” деб атади. Ўз навбатида Миср етакчиси Абдел Фаттоҳ ас-Сиси Ғазо келишувини тарихий бурилиш нуқтаси сифатида баҳолади.

Саммитга Миср Президенти ва унинг америкалик ҳамкасби ҳамраислик қилди. Мақсад Ғазо секторидаги можарони бартараф этиш, Яқин Шарқда тинчлик ва барқарорликни ўрнатиш бўйича саъй-ҳаракатларни кучайтириш, минтақавий хавфсизлик ва барқарорликда янги саҳифа очишдир. Унда 20 дан ортиқ давлатлар, халқаро ва минтақавий ташкилотлар иштирок этмоқда.

Ўт очишни тўхтатиш

Ғазодаги жанглар 10 октябрь куни тушдан кейин тўхтади. Бунгача ҲАМАС ва Тел-Авив можарога барҳам бериш режасининг биринчи босқичини амалга оширишга келишиб олган эди.

Сентябрь ойида Оқ уй 20 банддан иборат режани эълон қилди. Ҳаракат анклавни бошқаришда иштирок этмасликка рози бўлиши керак. Тинч яшашни ва қуролларини топширишни қўллаб-қувватловчи аъзолари учун амнистия тақдим этилади. Бироқ, Исроил Ғазони ишғол қилмаслиги ёки қўшиб олмаслиги керак.

ҲАМАС барча гаровга олинганларни озод қилишга ва ўлганларнинг жасадларини топширишга рози бўлди, Тел-Авив эса келишилган чизиққа ўз қўшинларини олиб чиқиб кетишга ва юзлаб фаластинликларни, жумладан терроризм учун умрбод қамоқ жазосига ҳукм қилинганларни қамоқдан озод қилишга рози бўлди, деб хабар берди ria.ru.