Тошкент вилояти ҳокими фармойиши билан “Саховат ва кўмак” жамғармасида шаклланган маблағлар ҳисобидан “Темир дафтар” ва “Аёллар дафтари”га киритилган оила ва фуқароларга молиявий мадад бериш, уларнинг саломатлигини тиклаш учун бир марталик ёрдам пуллари ажратилди.
Вилоят ҳокими томонидан ҳудудларда хонадонма-хонадон ўрганишлар натижасида келиб тушган мурожаатларга мувофиқ, моддий кўмакка муҳтож, кўп фарзандли, ногиронлиги бўлган шахслар ва ёлғиз қариялардан иборат 65 нафар фуқарога 350 миллион сўмга яқин маблағ тегишли масъуллар томонидан етказиб берилди.
Пуллар фуқароларнинг банк пластик карталарига ўтказиш орқали ва нақд кўринишда тарқатилди.
Хоразмда «Аёл – меҳр, садоқат, тараққиёт тимсоли» мавзусида тарғибот тадбири ўтказилди. Унда воҳанинг фаол ва ташаббускор аёл-қизлари, «Оқила аёллар» ҳаракати аъзолари, бир қатор Давлат мукофотлари совриндорлари, Иқтидорли спортчи қизлар, етакчи тадбиркор аёллар ҳамда ибратли оилалар иштирок этди.
Термиз шаҳрида яшовчи хусусий тадбиркор Умид Ғаиров ва Барно Омонова хонадонида ҳам 10 бола тарбияланмоқда. Улардан икки нафари — Ислом Каримов ва Жаҳонгир Холиёров Тошкент давлат юридик университетининг 1-курс талабаси. Йигитлар ўқишга давлат гранти асосида қабул қилинган.
