Ўзбекистон Фанлар академияси М.Т.Ўрозбоев номидаги Механика ва иншоотлар сейсмик мустаҳкамлиги институти олимлари томонидан “Материалга ишлов бериш тезлигини автоматик бошқарувчи валли машина” конструкцияси ишлаб чиқилди ва ихтирога патент олинди.
Ушбу ишланма тери хом-ашёсига механик ишлов беришда ишчи валлар узатмасини тезлигини реостат ёрдамида материалнинг юзаси бўйича қалинлигининг ўзгаришига мос равишда технологик жараённинг тезлиги автоматик ҳолда бошқарилади.
Ушбу валли технологик машинани қўллаш орқали чарм-поябзал саноатида қалинлиги ва кенглиги хилма-хил бўлган тери хом-ашёлардан сифатли чарм маҳсулотларини ишлаб чиқаришга эришилади. Бу ҳақда Фанлар академияси хабар бермоқда.