Янги жанубий уэльслик бемор оғир юрак етишмовчилигидан азият чекарди. У ихтиёрий равишда сунъий юрак трансплантацияси амалга оширилган Австралиядаги биринчи ва дунёда олтинчи беморга айланди. Шифокорлар қурилмани 2024 йил 22 ноябрда Сиднейдаги Муқаддас Винсент шифохонасида ўрнатишди. Сунъий юрак вақтинчалик ечим эди, чунки бемор донор юрагини кутди.
BiVACOR имплантати австралиялик олим Дэниель Тиммс томонидан ишлаб чиқилган. Бу ротор насос ва магнит левитация асосида ишлайдиган дунёдаги биринчи қурилма – бу механизм табиий қон оқимини имитация қилиш имконини беради.
Биринчи бешта сунъий юрак имплантацияси 2024 йилда АҚШда амалга оширилган. Барча беморларга донор юраклари ўрнатилди, аммо имплантация ва трансплантация ўртасида давом этган энг узоқ вақт – 27 кун эди. Ўз навбатида, австралиялик бемор уч ойдан ортиқ вақт давомида сунъий юрак билан яшади.
Австралия ҳукумати маълумотларига кўра, 23 миллиондан ортиқ одам юрак етишмовчилигидан азият чекмоқда, аммо улардан атиги 6 минг нафарига донор юраги ўрнатилади. Ушбу муаммони ҳал қилиш учун ҳукумат сунъий юрак технологиясини ривожлантириш учун 50 миллион доллар ажратди.
Профессор Крис Хейворд BiVACOR юрак етишмовчилигини даволашни ўзгартиришига ишончи комил.
“Кейинги ўн йил ичида сунъий юрак донор юрагини кута олмайдиган беморлар учун ҳақиқий муқобилга айланади”, деди у.
Ҳозирча қурилма вақтинчалик ечим сифатида кўрилмоқда, бироқ келажакда ишлаб чиқувчилар уни юракнинг доимий ўрнини босувчи қилиб ишлаб чиқмоқчи. Бироқ, профессор Дэвид Колкухун имплант ҳозирда атиги 100 кун давомида, донор юрак эса ўн йилдан ортиқ (ёки 3000 кун) хизмат қилишини таъкидлади. Шу сабабли, сунъий юракни трансплантация ўрнини босувчи деб ҳисоблаш учун ҳали эрта, деб хабар беради rbc.ru.
