Туркманистоннинг Ашхобод шаҳрида бўлиб ўтган конференция «Туркманистонда туризмни ривожлантиришнинг асосий йўналиш ва имкониятлари» мавзусида ўтказилди.

Конференция иштирокчилари Ўзбекистон туризм саноатида амалга оширилаётган ислоҳотлар, тадбиркорларга ва инвесторларга берилган имтиёзлар ҳамда истиқболли йўналишлар билан таништирилди.

Ўзбекистон делегацияси хорижий ҳамкорлар билан мамлакатимизнинг сайёҳлик салоҳиятини хорижда тарғиб этиш ва сайёҳлар оқимини кўпайтиришга қаратилган туризм соҳасида ҳамкорлик истиқболларини муҳокама қилиш мақсадида бир қатор икки томонлама учрашувлар ўтказди, деб хабар беради Туризм қўмитаси матбуот хизмати.