2023 йил 10 июлда Ўзбекистон Республикаси ташқи ишлар вазири ўринбосари Баҳромжон Аълоев Президент сайловини кузатиш учун мамлакатимизга ташриф буюрган Ислом ҳамкорлик ташкилоти Котибияти директори Бубакарам Адаму бошчилигидаги делегация билан учрашди.
ИҲТ делегацияси мазкур сиёсий тадбирнинг мамлакат тараққиёти учун аҳамиятини юқори баҳолаб, сайловчилар фаоллиги юқори эканлигини алоҳида таъкидлади, деб хабар беради Ташқи ишлар вазирлиги матбуот хизмати.
Учрашувда мамлакатимиз билан мазкур тузилма ўртасидаги таълим, фан ва инновациялар, экология ва бошқа устувор йўналишлардаги ҳамкорликни янада фаоллаштириш бўйича таклифлар муҳокама этилди.
Ўзбекистоннинг янги тайинланган элчиси Равшанбек Алимов Туркманистон ташқи ишлар вазири Рашид Мередовга ишонч ёрлиқлари нусхаларини топширди, деб хабар бермоқда "Дунё" АА.
Ўзбекистон ташқи ишлар вазири Бахтиёр Саидов кеча Афғонистон дипломатик ваколатхонасининг янги раҳбари Абдул Ғаффор Теравийни қабул қилди, деб хабар қилмоқда Дунё АА.
