Инвестицион-кооперацион ҳамкорлик
2021 йилда Германиядан киритилган инвестициялар ҳажми 972,5 млн долларни ташкил этди, шундан 874,0 млн доллар (90%) тўғридан-тўғри хорижий инвестициялар ва кредитлар, шу жумладан 231,2 млн.доллар соф тўғридан-тўғри хорижий инвестициялар.
Шу билан бирга, қайта ишлаб чиқариш саноати, хусусан, озиқ-овқат, тўқимачилик, бошқа норуда минерал маҳсулотлар ишлаб чиқариш ва қурилиш сектори инвестицияларнинг асосий йўналишларига айланди.2023 йил 1 апрель ҳолатига кўра, Ўзбекистонда Германия капитали иштирокида 198 та корхона фаолият кўрсатмоқда (хорижий капитал иштирокидаги корхоналар умумий сонининг 1,6%), шундан жорий йил бошидан буён 10 та корхона ташкил этилди.
Бундан ташқари, Германиянинг 30 дан ортиқ фирма ва компанияларининг ваколатхоналари мавжуд.
Ўзбекистон учун Германия билан ҳамкорликнинг устувор йўналиши инвестицияларни жалб қилиш ва унинг ишлаб чиқариш секторини хорижий мамлакатларда ишлаб чиқариш қувватларини ташкил этувчи йирик трансмиллий Германия компанияларининг глобал қиймат занжирларига қўшиш учун ҳамкорлик алоқаларини кенгайтиришдан иборат.
Ҳамкорлик истиқболлари
- энергия – қуёш панеллари, шамол турбиналари учун ускуналар, бутловчи қисмлари ва эҳтиёт қисмларни ишлаб чиқариш, кичик ГЭСлар қуриш, водород энергиясини ривожлантириш, энергетика тизимини такомиллаштириш ва анъанавий электр тармоқларини "ақлли" (Smart Grid) га айлантириш, энергия тизимларини рақамлаштириш бўйича ҚТЭ билан боғлиқ лойиҳаларни амалга ошириш;
- кимё – резина буюмлар (шиналар), маиший кимё, қишлоқ хўжалиги зараркунандаларига қарши кураш учун препаратлар ишлаб чиқариш;
- электротехника – маиший техника, кабел ва трансформатор маҳсулотларини ишлаб чиқариш, мис саноати кластерида иштирок этиш ва юқори технологияли тармоқларни яратиш;
- қурилиш – цемент-бетон буюмлар ва агрегатлар, бўёқлар, сувоқ, лаклар, композит иссиқлик изоляциялаш тизимлари, маҳкамлагичлар ва монтаж маҳсулотларини ишлаб чиқариш;
- автомобилсозлик – тайёр автомобил ускуналари ёки бутловчи қисмларини ишлаб чиқариш бўйича қўшма корхоналарни яратиш;
- қишлоқ хўжалиги – ўсимликларни етиштиришда сувни тежайдиган технологиялардан фойдаланиш, ресурсларни тежайдиган ўғитлар, қишлоқ хўжалиги экинларининг ҳосилдорлигини ошириш, паррандачиликда ишлаб чиқариш унумдорлиги, шунингдек, ҳайвонлар учун вакциналар ишлаб чиқариш;
- озиқ-овқат – Европа иттифоқи стандартлари ва талабларига жавоб берадиган озиқ-овқат маҳсулотларини ишлаб чиқариш, озиқ-овқат ишлаб чиқариш занжири бўйлаб шаффофлик ва кузатувчанликни кафолатлайдиган "фермадан дастурхонга" тизимини жорий этиш;
- транспорт – саноат ва логистика марказлари ва транспорт-логистика хизматларини кўрсатувчи корхоналарни яратиш, замонавий рақамли логистика платформалари ва рақамли транспорт коридорларини жорий этиш.
Туризмни ривожлантириш
Сўнгги йилларда Ўзбекистон туризм соҳасини ривожлантиришга алоҳида эътибор қаратмоқда ва Ўзбекистонда туризм инфратузилмасини ривожлантириш ўзаро манфаатли ҳамкорликнинг яна бир йўналиши бўлиши мумкин.
Бундан ташқари, Ўзбекистон чет эллик сайёҳларни, жумладан, Германиядан мамлакатга визасиз кириш ҳуқуқини ўрнатган сайёҳларни жалб этишга алоҳида эътибор қаратмоқда.
