Учрашувда дўстлик, яхши қўшничилик ва стратегик шериклик тамойилларига асосланган Ўзбекистон - Қирғизистон муносабатларининг турли жиҳатлари муҳокама этилди.

Ўзбекистон Республикаси Президенти Шавкат Мирзиёевнинг Қирғиз Республикасига бўлажак давлат ташрифига тайёргарлик кўриш масалалари кўриб чиқилди.

Томонлар сиёсий-дипломатик, савдо-иқтисодий, транспорт-коммуникация, маданий-гуманитар соҳаларда фаол мулоқотни давом эттиришга тайёр экани тасдиқланди, деб хабар беради Ташқи ишлар вазирлиги матбуот хизмати.