ЮНEСКОнинг Тошкентдаги ваколатхонаси шафелигида Ўзбекистон санъат ва маданият ривожлантириш жамғармаси, Туризм ва маданий мерос вазирлиги, Ўзбекистон давлат консерваторияси, Тошкент шаҳар ҳокимлиги ҳамда Франция, Германия, Венгрия, Ҳиндистон, Польша, Словакия, Швейцария ва АҚШ элчихоналарнинг саховатли ёрдами ва иштироки билан ташкил этилган.
Очилиш маросимида Туризм ва маданий мерос вазири ўринбосари Нусратилла Зикриллаев, АҚШнинг Ўзбекистондаги элчиси Дэниэл Розенблюм, ЮНИСEФ ваколатхонаси раҳбари Мунир Маммадзода иштирок этди.
«Давлатимиз раҳбари томонидан юртимизда туризм, маданият ва санъат соҳаларини ривожлантиришга катта эътибор қаратиляпти. Бутун республикамиз бўйлаб йил давомида турли тематик фестиваллар ва байрам тантаналарини ўтказиш бугунга келиб анъанага айланиб улгурди. Жаз – нафақат мусиқа, балки инсоннинг ўзлигини ифодалаш санъати ҳамдир. Жаз кўз ўнгимизда яратилади, бу мусиқа янграётганида, мусиқачи импровизация қилаётганида кўпчилик унинг сеҳрли оламига тушиб қолади. Демакки, бу санъатни одамлар ўртасидаги тинчлик, бирдамлик ва дўстлик алоқаларини янада мустаҳкамловчи буюк куч сифатида ҳам қадрласак арзийди. Бу эса бугунги кунда жуда муҳим аҳамиятга эга», — деб қайд этди Туризм ва маданий мерос вазири ўринбосари Нусратилла Зикриллаев.
Ўзбекистон 2015 йилдан бери Жаҳон жаз байрамига қўшилган. Шундан бери фестиваль йилдан-йилга кенгайиб боряпти.
Жорий фестиваль доирасида асосий платформа бўлиб хизмат қиладиган ва 85 йиллигини нишонлайдиган Ўзбекистон Давлат консерваториясида, шу билан биргаликда Хиванинг Ичан-Қалъа майдонида очиқ осмон остида, Урганч шаҳридаги Огаҳий номидаги Урганч вилоят мусиқали драма театрида, Бухоро шаҳридаги Бухоро мусиқали драма театрида ва Тошкентдаги Илҳом театрида хориждан ва Ўзбекистондан жаз ижрочиларининг 20 га яқин концертлари бўлиб ўтади. Бундан ташқари, Успенский номидаги мусиқа мактаби, Тошкентдаги Цирк коллежи, Ўзбекистон давлат консерваторияси, Тошкентдаги «Бонум фактум Галереяси» ва «Мақом» барлари ҳамда Бухородаги мусиқа коллежида маҳорат дарслари ва мурабболар ташкил этилади, деб хабар беради Туризм ва маданий мерос вазирлиги матбуот хизмати.
Халқаро жаз куни ҳар йили «тинчлик, бирдамлик, мулоқот ва одамлар ўртасидаги алоқаларни кенгайтиришга ёрдам берувчи куч сифатида халқаро хабардорликни орттириш» муносабати билан ташкил этиладиган тадбирдир. Шунингдек, бу кун дунёдаги, жумладан, Ўзбекистонда ҳам энг муҳим мусиқий тадбирлардан бири ҳисобланади.
Машҳур жаз ижодкори - Билль Эванс айтганидек: «Жаз - бу нима эмас, бу қандайдир».
