21-22 февраль кунлари Жанубий Кореянинг Чежудо провинциясида "7-Чежудо халқаро хор фестивали ва симпозиуми" бўлиб ўтади.
Ушбу маданий тадбирда Ўзбекистон Давлат филармонияси жамоаси ва «Баҳор» давлат рақс ансамбли раққосалари ҳам иштирок этишади.
Тадбирдан кўзланган асосий мақсад Ўзбекистоннинг бой маданий меросини ва миллий қўшиқчилик анъаналарини маҳаллий ҳамда хорижий сайёҳлар орасида кенг тарғиб қилишдан иборат.
Симпозиум доирасида Чежудо провинцияси губернатори О Юн-Хун ҳамда Жанубий Корея Маданият ва санъат марказлари ассоциацияси президенти Ли Сынчжон билан икки томонлама учрашувлар ҳамда «Ўзбекистон
санъати ва маданияти» мавзусида тақдимот ўтказилиши режалаштирилган.
