Унда сенаторлар, вазирлик ва идоралар вакиллари, мутахассис олимлардан иборат таркибда тузилган ишчи гуруҳ томонидан Ўзбекистоннинг миграция стратегияси лойиҳасини тайёрлаш бўйича иш олиб борилди.

Йиғилишда бир неча ойлар давомида миграция бўйича ўтказилган ўрганиш ва тадқиқотлар натижасида тўпланган маълумотлар, таклиф ва тавсиялар умумлаштирилиб, ишчи гуруҳ аъзолари томонидан бирма-бир муҳокамадан ўтказилди.

Якунда миграция стратегиясининг дастлабки лойиҳаси шакллантирилди ҳамда лойиҳани халқаро стандартлар ва миграция бўйича глобал шартнома мақсадларига мувофиқлаштиришга келишиб олинди, деб хабар беради Олий Мажлис Сенати матбуот хизмати.